ودعتك الله ياحبيبآ على البال
وسط الرياض وساكن في البديعه
ماتنفع الشكوى ولاكثر الاقوال
من بعد ماشفت العيون الوسيعه
صابتني بسهم الهوى شرق وشمال
واحدث تقاطع في الضلوع الرفيعه
صرت اتخيلها على كل الاشكال
والبعد عنها صعب مانستطيعه
وهاذي حياة الناس راحل ونزال
وسر الهوى بالقلب ماحدآ يذيعه
واحلا ترى مافيه ذكراه وأوصال
وماينهي الحبين غير القطيعه
ونصبر على ماقيل همآ وينزال
ونصير ملك لبعضنا بالشريعه