بـلا نهايـه والضمايـر محلـه
متمكن بالقلب لـه عـده اعـوام
مبديه ما اخفيته عـن النـاس لله
لا والذي فيده تصاريـف الايـام
الذيب لامنه بغـى الصيـد دلـه
ورقى على راس الطويله من الزام
وقنب بصوت لايع الوقـت علـه
من اقصى ضلوعه جر مافكر الرام
وعدا على مايشتهـي دون ذلـه
اما يجيب الـرزق والا للاعـدام
وانا باسمك صحت بالصوت كلـه
ماهمني شامـت وعـاذل ولـوام
الحب حاكمنـي وانـا طايـع لـه
وقبلي حكم روس المناعير الاكرام
وانا كان عندك شك تبغـى ادلـه
عن كثر حبك قلتها لك من العـام
بقولهـا مـن قلـب خـلٍ لخلـه
والله حبك طلعتـه مثـل الارقـام