مادام انا شاعـر ولـي افكـاري
ويجوز لـي مـالا يجـوز لغيـري
اجزت لك حبـي وذي اشعـاري
تصفـح ابياتـي بـلا تبـريـري
الليل يسـري بـي وانـا قمـاري
انسج من حروف الغـلا تعبيـري
وان كان مالك في قصيدي طـاري
وش لون اجيده واضبط التصويري
ملكت عقلي يالحبيـب اجبـاري
و ارخصت لك قلبٍ غدا لك طيري
وانت النهايه لـو بعـد مشـواري
ياخاتمـه دربـي واول سـيـري
فيك الدلع بـس الدلـع متـواري
بالحشمه اللـي زادتـك تقديـري
سبحان من صورك جـل البـاري
وانا اشهد انه خصـك بتفكيـري
قلبي وهبتـه لـك ومثلـك داري
ولايكون قلبك يالحبيـب لغيـري