فـواز تكفـى ياحفيـد المناعـيـر
اهل الوفـا واهـل النقـا والحميـا
لا جا نهار فيه خـوض الطوابيـر
افعالهـم تاصـل لـحـد الثـريـا
الاد هاجر خير فـي حـزة الخيـر
ولا جـا بيـوم الشـر سـم مهيـا
خلي حدوني عنه مـن دون تبريـر
لاقلـت ويـش العلـم قالـوا كذيـا
دونه وقف عود تقـول انـه الزيـر
جيته اقـول القـرب والعـود عيـا
ماينحـدر ماينسنـد كـنـه النـيـر
عيـا يبيـد وجـزت وانـا اتـريـا
مدري على شان الغضي سنه صغير
والا يبـي نفعـة جميـل المحـيـا
والا بــلاه مطـمّـع بالدنانـيـر
والا علـى ماقيـل فالقلـب شـيـا
الصبـر مليتـه واصـوغ التفاكيـر
ابـا اتمـعـن فالـهـدب واتفـيـا
ثم جيت ابي شورك وابي منك تفسير
من قبل لاصدح به واقـول الخفيـا
واصيح باسمه ماعليـه مـن الغيـر
ابغـاه لكـن مـا تفـيـد البغـيـا
والعلـم يسنـد للرجـال المناعيـر
وانتـه بـدار الخيـر وانـا هنـيـا