الغلا

لـ علي العازمي، ، في غير مُحدد

الغلا - علي العازمي

لو الغلا الابطيت يمحاه ماحي
أن كان حب اللي برى الحال ماحيه

محيت حبه والظمير أستراحي
ارتحت من همن على الله مشاكيه

لاكن حبه للظمير أستباحي
الله يبيحه كل ماحل طاريه

له ذكرياتن بالمساء والصباحي
مافيه صبح ايبين غير اذكره فيه

وليا ذكرته صوبه الفكر راحي
ماجيه لكن التمشى أبحراويه

أسج في ذكراه والعقل صاحي
مثل الهبيل اللي خياله يسليه

هبيل خايل له سناء برق لاحي
في سجت التفكير حقق أمانيه

أستيسره تفكير فجن براحي
برض الخيال يسج ويصفق أيديه

مثل ماسج الصوب هاك النواحي
سجيت سجاته عسى الله يعافيه

أسج في ذكرى بها القى أرتياحي
ذكرى الجميل اللي برى حال غاليه

عليه وجدي وجد من قام طاحي
في موقف(ن) عنه تخلا أبناخيه

لا من فزوع ولابلايدي سلاحي
وطلابته كل(ن) يبى الثار لاخيه

دافع وطاح وجر صوته وصاحي
الله يسود وجه من ينتخي فيه

هذا وجودي ياهبوب الرياحي
هبي على جاشن كوى الهم راعيه

همن بقى عيا لايمحاه ماحي
عيا البطى مع طول الاياااام يمحيه

© 2024 - موقع الشعر