لَو ادْرِي مَاحَصَلْ مَاكِنْتِ فَادِيه .. - عبير بن سمعون

قِتَلْتِ الشَّي مِنْكُ وقِلْتِ عَادِي
ولَا احْكِي فِيه مِنْ قُرْبَه وحَادِيه

حَزَنْتِ لِغِيبِتِكْ بَسْ كِنْتِ هَادِي
لِشُوقِكْ واحْتِيَاجِكْ مِنْ تَمَادِيه

أَمَانَه وِشْ بِقَى مِنْ كِلِّ وَادِي
يِشِيلِكْ بِينِ هَجْرِكْ وانْت بَادِيه

وِصَفْكِ القَلْبِ طَاعِنْ بِيْ وِدَادِي
لَو إنَّه فِي القِسَا مَا حَسِّ عَادِيه

شُهورِ الوَقْت صَارَتْ بِكْ تِمَادِي
وفَرْقِ الوَقْتْ مَايَفْرِقْ مِبَادِيه

عَرَفْتِ الحِينْ كِيفِ الظَّنِ بَادِي
عَرَفْتِ الطِّيب مِنْ ظَنَّه يِهادِيه

يَاطَبْعِ الِّلي سِكَتْ والذَنْبِ زَادِي
تِسَافِرْ كِلْ جُروحِي بَسْ تِنَادِيه

وِصَلْتِ لِحُبْ فِي الدِنْيَا جِمَادِي
عَطَاكُ ومَاحَسَبْ أمْرِ لِرَمَادِيه

خَلَقْتِ لِكِّلْ حَيَاتِي صَبْرِ غَادِي
وِلَهْ صَبْرِ الصَّخَرْ مِنْ كِلِّ وَادِيه

يَاقَهْرِ الرُّوحْ ذَاقَتْ حِزْنِ سَادِي
أَلَمْ مَاعَوِّدَّه كِلْ جَرْحَ ايَادِيه

قِصَدْتَه طِيِرْ واقْوَى مِنْ جِوَادِي
خَذَلْنِي مِنْ سِمَاء بَرَّه بَوَادِيه

هَذَاهَا انْ خَابَتْ آمالِي جِدَادِي
تَعَبْ فِكْرَه وهُو بَلْسَمْهِ كَادِيه

خَبَايَا مَاطَرَتْ بِيْ مِنْ مُرَادِي
لَوْ ادْرِي مَاحَصَلْ مَاكِنْتِ فَادِيه

© 2024 - موقع الشعر