الا ياهاجسي - يزيد مزيد المطيري

الا ياهاجسي حضر جديدك شاعرك طربان
على مدح الرجال الوافيه تطرب هواجيسي.

ليا منه بنى بيوت القصايد حكم البنيان
مادام انها من إبداعي ومن فني وتاسيسي

بحفلة بندر الليله نبى نسري مع القيفان
ونبى نمدح رجال المعرفه وأهل النواميسي

وإلا ياللي تجر الصوت جره بعذب الألحان
على ضيوفٍ من التقدير جو ماهم عواسيسي

هلا يامرحبا ياضيوفنا بالمسك والريحان
نعطرها لكم أجمل من اعطورات باريسي

هلا يامرحبا ترحيبة البدوان لضيفان
لكم أزفها من صادق شعوري واحاسيسي.

هلا يامرحبا عند الرجال أهل الكرم والشأن
هلا بترحيب ماله حدٍ ولا له مقاييسي.

عيال العود زيد اللي معلمهم على الإحسان
وعلى الطيب وعلى العز وعلى كسب النواميسي.

خوالي بالمراجل معتلين ومابهم نقصان
قصيد المدح يزهاهم بعيدين المراميسي

يكفينا مادام انا جعافرتن من المطران
مطانيخ الرجال وللعدو شر وكوابيسي.

وأنا في مدحهم يشوش راسي يعتلي ويبان
فعولن تذكر ومادامها ماهي محابيسي.

اي والله يفتخر يزيد مزيد زايد حميدان
وكلن يفخر بربعه وتطربه الهواجيسي.

© 2024 - موقع الشعر