عز الكرامه

لـ يوسف السناح، ، في غير مُحدد، آخر تحديث

عز الكرامه - يوسف السناح

الرزق عند الولي علمه وترتيبه
سبحانه اللي منزل محكم اكتابه

والا البشر ماتكب الذم والغيبه
في مجمل القول منعاجه ومنصابه

مغنيني الله عن أهل الشك والرييه
ومن يحسب احساب قدره يحسب احسابه

لو كان مايملك المصروف في جيبه
رصيد ذاته يماريبه ويزهابه

عز الكرامه شموخ الذات والهيبه
والا التمسكن ضعيف النفس يرضابه

ومن عاش بالذل يقصر عن مواجيبه
ويصير ضحكة صحيبه وأقرب اقرابه

واللي يكرم ضيوفه من تراحيبه
أطيب من اللي لضيفه مافتح بابه

© 2024 - موقع الشعر