ياليت أعرف وش أنا في حياتك ؟

لـ فيصل الجابري، ، في الغزل والوصف، آخر تحديث

ياليت أعرف وش أنا في حياتك ؟ - فيصل الجابري

ياليت أعرف وش أنا في حياتك
وياخوفي لا تكون الإجابة ولا شي

وياليت لو أقدر أسوّي سواتك
وأطوي حبال الحب من خافقي طي

وأنساك وأنسى وصفك وذكرياتك
وأنسى المدينة واسم شارعك والحي

وأنسى كلام الجِد وأنسى نكاتك
وأنسى الوعود وجي ولا عاد أنا جي

وأنسى ابتساماتك وضحكة شفاتك
وأنسى غرام أحلى من الشهد بشوي

لكن صفاتي تختلف عن صفاتك
الفرق واضح مثل ضيٍ عن الفي

ومجبور أحاول أقتبس من سماتك
وأحاول أنسى حتى لو شي من الشي

لكن بلايه غارق (ن) في فراتك
وإن جيت أبخرج داعشك تقتل الحي

© 2024 - موقع الشعر