أنا والرجل - اسيرة الصمت

يا دنيا يوم إنك ما أنصفتينا..
أجل ليه بالعقل ساويتينا..
وانحزتي مع الرجل وخذلتينا
كوني مخلوقة من ضلعه
لا يعني إنه ياخذني سلعة
يبيع بي ويشري ..
وهو عن حبي له يدري ..
ليه يأمن غدري ؟!
ولو كان بيده القرار ..
بأي طريقة أرد لنفسي اعتبار ..
حتى لو صار بيده قيدي ..
هو ما سمع عن كيدي ؟
ليه ما يلزم حدوده ..
ويعرف من الأصل بوجوده..
أنا اللي شلته على كتفي..
وبالنهاية ألقى على يديه حتفي !
طيب..
ليه فطنتيني لألاعيبه.
وليه ما علمتيني بأساليبه..
وليه كل ما جيت أبشكيه
أرمي نفسي بين أياديه ؟
تخلينه لي حكم
وهو نفسه الخصم ؟
يا دنيا ..
يوم ما أنصفتينا ..
ليه بالعقل ساويتينا ؟!
© 2024 - موقع الشعر