لاتعليق ..

كتبت الحرف في حاله
عليم الله بالحاله

نزل دمعي على خدي
ودموع العين هماله

تذكرت البشر والناس
وكيف الناس رحاله

نقابل غاليٍ منا
وباكر ننعي عياله

وانا والله يا دنيا
ذكرت الطيب وافعاله

غدينا في وسط بحر
كبيره حيل اهواله

احد يضحك وحدن يبكي
وحدن ناسي على باله

ضحكت ودمعتي كانت
على الخدين نزاله

غريبٍ وضعها الدنيا
تجي للشخص تغتاله

تحبب بعضنا فيها
تراها جد حياله

ذكرت الي مضى كله
ذكرت الوقت ورجاله

من الي مات في عزه
وضيم الوقت ما جاله

من الي يدعي المظلوم
يكثر حيل امثاله

من الي لا بغى عاجز
ضروره دوم يلجاله

من الي للكرم يضرب
مثل والناس تشتاله

من الي مات في وقته
رثوه الشعر ورجاله

ابسكت عن بكاي اليوم
ابنسى الهم وجباله

ابقهر كل عذالي
وابذبح ناس قتاله

ابحرق صفحة الدنيا
وبدق الخير وجلاله

وبكتب كل يوم بيوت
قليل الشعر وجزاله

واخويه لو لفاني يوم
يحدثني عن احواله

يبي فزعه اهو مني
فداه الجيب ورياله

وعدوي لو مسكته يوم
وجالي فرصه اغتاله

ابرمي سيفي المشهور
وكف اليد تبراله

واكونٍ له صديقٍ دوم
وصدقي اليوم قد طاله

تذكر يا بني آدم
يوم العرض واهواله

كفانا الله يا مسلم
حدود الشر وانزاله

وقبل اختم حديث النفس
وحال النفس في حاله

عسى ربي يوفقني
واصون الطيب لرجاله