وجد قلبي وجد سواقً مهدد

اتشفق في وصاله واتصدد
لاذكرت الدين وحدود العوايد

كل ماعزمت للمسرى اتردد
وكل ماهونت غنيت القصايد

وجد قلبي وجد سواقن مهدد
الحكومه تطرده والحمل زايد

بعد حمل حمل ممنوع يعدد
ماحداه الا الفقر والفقر كايد

يوم تل الشاص ماقام ايتلدد
يحسبنه بعدها صايد وفايد

مادرى انه بعد ماحرك محدد
طارحينه لو يجي في ضلع صايد

الرجال اللي بواردهم اتسدد
ماتخون اظنونهم وقت الشدايد

طوقوبه بعد ماوضعه تشدد
مثل مطواق الحلق وسط القلايد

وحولوبه جنب حمله ثم تمدد
وانشروا ماصار من عبر الجرايد

وراح همه كل مازاد ايتجدد
مثل تجديد المواد من البنايد

بعد كان الحلم كالريم المكدد
في ثواني صار كل حلمه نكايد

ذا وجودي كل ماجيت اتودد
في وصال اللي زهت كل الفرايد

الهنوف اللي مزاياها تعدد
طيب صيت وطيب ساس وزين زايد