هوووول

لـ نايف العبيد، ، في غير مُحدد

هوووول - نايف العبيد

بعض الغلا ياخذ له ايام ويزول
وبعض الغلا نفنا وهولايزالي

وانته غلاك بوسط قلبي على طول
ماينمحي لو طوّلن الليالي

يصول حبّك داخل القلب ويجول
آمر تدلل ياحسين الدلالي

رمشك لا سلهم ياشبيه المها هول
يفتن مشاكيل الرجال الثقالي

قطعت من شانك تضاريس وسهول
وقنبت فوق النايفات الطوالي

كانون روّح وابتدأ شهر أيلول
شهرين طافو ماتجاوب سؤالي

واليا اتصلنا دايم الخط مشغول
وش علمك بحالي أبد ماتبالي

طرّش إذا تسمح رساله ومسكول
طمني تكفى لا يزيد انشغالي

القلب زرعه ينتظر منك هملول
تعال ابحكي لك عن اللي جرالي

© 2024 - موقع الشعر