اول هوانا - احمد الكثيري

اول هوانا للبشر شاع صيته
وحطمت انا الرقم القياسي بذكرك

درب الخطر ياما من اجلك مشيته
وصبحت تايه بين مدك وجزرك

جرحك بقلبي يا الغضي ما قويته
وش لون بقوى جرح قلبي وهجرك

جرحك ثمان سنين انا ما نسيته
حلفت ما انسى الجرح الاول وغدرك

شفت الغدر منّك وقلبي نهيته
اسمك نسيته وانتهى كل ذكرك

حلفت لادفن حبنا اللي وطيته
واعلن حدادي دام عمري وعمرك

خلاص وشلي في اللهوى اللي رميته
حاول تفك قيود رجلي من اسرك

حاول تذكر قلبي اللي كسيته
بالهم والاحزان من فيض بحرك

حاول تذكر قلبي اللي كويته
بنيران حبك واحتمل كل جمرك

حاول تذكر يوم قلبي لفيته
طاير من الفرحه وباقي بخبرك

حاول تذكر يوم حبك بنيته
وسط الحشاء وزينت باللول قصرك

غدرك وهجرك يا الغضي ماهقيته
عطني الحقيقه قول لي ويش عذرك

قلبك عطيته للغريب وحتميته
عندي شهامه ما ابي احداً يضرك

ماني مثيلك الهوى ما وعيته
الحب دنسته بكفك وحبرك

تشهد لي الايام وليلٍ بكيته
لازال قلبي ينتظر نور فجرك

ان قلت باسلى عنك زولك لقيته
وانا بنومي وافتكر زين ثغرك

ياما صبر قلبي بعد ما جفيته
كلٍ يقول يافلان ياطول صبرك

قلت اتصبر لجل حبٍ سقيته
كاس الغلا وانعشت بالود زهرك

قلبي على خبرك متى ما بغيته
والحال اقول الحمد لله يسرك

ان بعت قلبي يا الغضي ون شريته
ما همني قد ذقت حلوك ومر

© 2024 - موقع الشعر