يالربع انا من دوخة الفكر مشغول
ولاكل خافي يظهره من يكنه
الآدمي صدره به يصول ويجول
شي ٍ عيونه للملا يظهرنه
حتى لو انه ساكت ٍ ماافصح القول
العين تنبي مبهمات الاكنه
اجلس مع العالم وانا الفكر مشغول
صارت هواجيسي مع الوقت سنه
ماكن جالس في جواري ولا زول
يسري بي الهاجوس بين الاسنه
وارجع وانا قلبي تقل وسط محلول
وجوارحي غدالهن منه حنه
واضحك وانا اللي لابس ٍ ثوب بهلول
اللي خفى ماكل واحد يضنه
الصمت به هيبه وبه باب مقفول
ماينفتح لو هوجها يطرقنه
والكسر مايجبر بحبة بنادول
ترى الجباير غيرهن مااجبرنه
واختامها ماكل من يطلب ينول
لو هو يبيح السر وإلا يكنه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.