محاورة

##طلال سويعد
هيا استمع للحديث الجاد

اللي من الحال مضمونه
منهو بنى سابق الأمجاد

يبعد ولا عاد يطرونه
##عبدالعزيز طلال

اللي بنى وفبناها جاد
طاريه يبقى ويحيونه

واللي نهل من حروفه ساد
يذلل الصعب من دونه

##طلال سويعد
من راس رضوى لقاع القاد

يعرف مجاريه وشؤونه
اورد ميراد القراح وفاد

حتى ارتوى الفرع بغصونه
##عبدالعزيز طلال

للان من خيرة الرواد
اللي لها باع بفنونه

تدري سواد القلوب ازداد
مما جعلهم يضدونه

##طلال سويعد
خلك معي حاضر الاشهاد

لبين الحرف مكنونه
عامين وانا معه فعناد

يدرى على الوضع ويصونه
##عبدالعزيز طلال

اعرف بإن الكلام ابعاد
واعرف وش اللي تريدونه

اليوم ناتج غيابه عاد
عكس اللذي كان تبغونه

##طلال يويعد
مقسم قسم ما يعود الماد

الا اذا الطيب يرضونه
اهل المعاني لهم منقاد

لا غير اللون عن لونه
##عبدالعزيز طلال

لو لا الأنا عن صفاه انحاد
ماكان لليوم ينعونه

لكن على الله عساه يعاد
الماضي اللي تخبرونه