يا صاحبي خل الزعل

لـ فيصل الجابري، ، في غير مُحدد، آخر تحديث

يا صاحبي خل الزعل - فيصل الجابري

يا صاحبي خل الزعل
خلّي صداقتنا تدوم

اصبر إذا جاك الزلل
أو جاتك الغلطة بيوم

وأبشر أعاملك بمثل
إن جاتني أدمح وأشوم

لا تحسب الدنيا عسل
يدوم لك كل الوسوم

ولا هي بعد دايم بصل
لكنها يوماً ويوم

أحيان يسعدنا الأمل
وأحيان تسعدنا الوهوم

وأحيان يمتعنا العمل
وأحيان نستمتع بنوم

وأحيان نتحمّل علل
وأحيان توصل للخشوم

فإن زعلت أنصحك صلّ
وأستغفر الله ثم صوم

يفرجها ربك في عجل
وتنسى شي اسمه هموم

© 2024 - موقع الشعر