عيدك مبارك ياقوي العزايم

لـ خليف الوهيداني، ، في غير مُحدد، آخر تحديث

عيدك مبارك ياقوي العزايم - خليف الوهيداني

عيدك مبارك ياقوي العزايم
يالطيب اللي ماتهونت بالطيب

يامطلق حجاجك على الطيب دايم
على الكرم والمرجله والمواجيب

ادعيلك المولى وانا اليوم صايم
الواحد اللي يعلم السر والغيب

لاشفت من دنياك هم وندايم
ولا كدرت دنياك زاد ومشاريب

ياحر ياللي فوق بالجو حايم
وبهجمتك لصيد عطب المضاريب

يساعين للمرجله والغنايم
وماشلها لو دربها خطر وصعيب

يامكرمين الظيف باغلا الولايم
واهل الشجاعه لعوى الذيب لذيب

والطيب فيكم بحر بالموج عايم
ولا لحقكم بالطيب شك(ن)ولا ريب

يامحاربين اهل الردا والنمايم
اللي مراجلهم نفاق وعذاريب

ومولودكم من يوم ذبح التمايم
ببيوتكم يربا على الدين والطيب

ماعاش ببيوت الحسد والهزايم
وفيه الهقاوي بالمهمات ماتخيب

وعن المراجل ماهو غافل ونايم
يخط الردا والطيب يرميه ويصيب

وللذعذعت لطيب عذب النسايم
يوم الشدايد مايتعذر والا يغيب

وشر(ن)على اهل العايله والظلايم
وللجار عز ولربع ولاصاحيب

ولطالب الفزعه سلاح وحزايم
لجتلهم منها النخاوي مناديب

ويافالح كميخ عسا العيد دايم
يعود لك بالعز والخير والطيب

© 2024 - موقع الشعر