في مطار دبي صادفت غندوره
المطار معطلن من سبايبها
شيخةٍ بالاسم تعرف و مشهوره
صيتها من ذايع الصيت جاذبها
ترفةٍ من عالي الناس مذكوره
الحسب و الجاه علا مراتبها
زينها في الغيد ما شفت له صوره
العقول بشوفت العين تسلبها
كبريا العز مهيب مغروره
والغرور ان جاء الجميله يليق ابها
زينها منه المزايين مقهوره
كل من شافته بالعين عذبها
وجهها مثل القمر ساطعا نوره
والسحر والموت رسمة حواجبها
يوم جت منها المخاليق مبهوره
لخبطت صالة دبي و مكاتبها
اربكتهم و الحجز غيروا دوره
والموظف ما تجرا يخاطبها
النظام اختل سيره و طابوره
فوضةً ما عاد تقدر ترتبها
البشر صارت تداوج و مذعوره
كن زلزال الدنيميت ضاربها
زينها فتنه ولاهيب مغموره
نسل شيخانن عريبه مناسبها
شيخةٍ من ماضي الوقت معموره
يمها الشيخان ساقت ركايبها
جابها شيخن طويلاتن شبوره
في قديم الوقت جود مقاضبها
قالها اللي زينها هيض شعوره
ما جداه الا بيوتً يهندبها
فكرته مهيب في الوقت محصوره
ما نقل هم الحياة و متاعبها
شاعرن قدم جديده لجمهوره
فاهمن سبل الحياة و تجاربها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.