ارسلـت لـك والعـذر كاننـي اخطيـت - خليف الوهيداني

ارسلت لك والعذر كانني اخطيت
واخر رساله والعذر منك فيها

العذر كاني بالرسايل تماديت
وزوددتها والغيض خيم عليها

ماودي اني بالزعل يومكم جيت
وامور ماتبغونها مانبيها

انت الذي يومنها لي فزيت
وكلمتك لي في وقفتك محتميها

وقفه منك ماتنسى لو توفيت
أوصي عيالي وربعي عليها

بس السموحه كان انا ابك ترديت
والله ماعود لك الرسايل واجيها

ومنك العذر في كل مافيه حسيت
ازعاج مني والردود ارتجيها

وعزالله انك يابيض الوجه كفيت
بفعال طيب وخير توجر عليها

ادعي لك لمسيت وصبحت ومسيت
في كل خطوه لنجاح تخطيها

لواحد المعبود عالم بماخفيت
انه يحقق كل حاجه تبيها

© 2024 - موقع الشعر