زيارة امير الرياض لــ رماح

لـ سعد الشقحاء، ، بواسطة سعد الشقحاء، في العائلي والاجتماعي، آخر تحديث

زيارة امير الرياض لــ رماح - سعد الشقحاء

المشاعر بالفرح زفت عباره
من خريم رماح للفرحه مسيره

فرحةٍ بقدوم من كفو الاماره
خالد اللي حاكمن نجد واميره

مرحبا واعداد نجمن في مداره
وعد همال السحب لكثر غديره

من شعوراً بالشعر تملك الجساره
ما يجيها في كلام الحق حيره

بالامير اللي فرحنا باختياره
يوم ولي منصبٍ كفواً يديره

طول الله عمر من صدر قراره
ابو متعب شاملٍ شعبه بخيره

العدل والامن تنعم فيه داره
جعل ربي من غثاء الدنيا يجيره

وجيتك يا أمير زفّت للبشاره
كل اهال رماح تامل فيك خيره

كل جهدن عندنا سرع مساره
خيركم سابق وللمسئول غيره

يستمر الشغل ليله مع نهاره
لجلكم كل الشوارع مستنيره

المشاريع انجزت قبل الزياره
بعضها من عام مايعرف مصيره

بين تنسيق الوزاره والاداره
اجلت منها مشاريعن كثيره

وجولتك يا أمير بتزيح الستاره
لا نظرت الوضع بالعين البصيره

عمها يا أمير وقصد كل حاره
ذي وصيت صادقن ريح ضميره

ما يقول الشعر من اجل اشتهاره
الا من صدق المبادي والسريره

ومرحبا يا أمير والفرحه بشاره
والفرح في جيتك يفرح بشيره

© 2024 - موقع الشعر