منية الحاسد

بعضهم يغيب عنّك يتمنّالك مصايب
وإن رجع يجيك يسأل ودّه يسمعله مصيبة

يخدعك لا جاك يسأل تحسبنّه من الحبايب
والسريرة يعلم الله لا حبيب ولا حبيبة

إن عرفته وجاك يسأل احرص إنه يعود خايب
يموت لو ستين مرة بس ما يرجع بخيبة

ولا تظن إن الحسود ما يكون من القرايب
البلا ثم البلا من العيون اللي قريبة

وأن تأكد لك مؤكد أطرده لو كان شايب
الحسود هو الحسود إن شباب أو كان شيبة

ولا يغرك لو تلوّى وادعى إنه صار تايب
والله إنه هو خويك عايب بتسعين عيبة

منية الحاسد يشوفك وانته من فوقك نصايب
ابعده قبل ايتشفّى بطيّب أو من غير طيبة