ياقرب جوده ويابعد الخليفيه

لـ رشيد الخليفه، ، في غير مُحدد، آخر تحديث

ياقرب جوده ويابعد الخليفيه - رشيد الخليفه

ياقرب جوده ويابعد الخليفيه
والعين ياعلي ثاني يوم سهرانه

ساهر حكمنا على العشرين والميه
ومكينة الجمس للمرواح طربانه

لكن تله كفيت العوق والسيه
خل المصور يصور قدح شكمانه

الليل ممسيك وديارك نحاويه
واللي يخاف العواقب ماقضى شانه

لاتلتفت في فلاشه لعنبو حيه
زوّد له النار لين يقر ميزانه

مادام رجلك على البنزين مركيه
ساع استوى الخط والميدان ميدانه

لايلحقك ياعلي بالجمس ماويه
لو المرايا تسفّط فوق بيبانه

© 2024 - موقع الشعر