دخول | تسجيل


صوت وصدى30

لشاعر رشيد الخليفه | بواسطة رشيد الخليفه | اخرى | | المشاهدات 213


التقييم 1/5
الشاعر رشيد الخليفه
صوت رشيد الخليفه:
سلام لقروم الرجال اهل الشهامه والسطر
اللي يشد ابها الظهر وترجح الميزانيه
وين انت يا شاعر زمانه دق ناقوس الخطر
واللي خفيً فالصدور مع الليالي بانيه
صدى عادل مطيلق:
يا مرحبا ترحيبة تشبه لزخات المطر
بأهل الوفى وأهل الكرم فرّيس في الميدانيه
يا شاعر أهل السيف ،،ما يشبه لسيف(ن)في قطر
أنته معك عمهوج يا ضد الخصوم الجانيه
صوت رشيد الخليفه:
فيك البقى ياللي تراحيبك بها ريح العطر
الورد والكادي وريح المسك والريحانيه
طابت خواطرنا من الصحبه وقظينا الوطر
ومعروفنا يابو بدر ضاع وغدا هموانيه
صدى عادل مطيلق:
ياصاحبي سج القدم و اسمع شطر واترك شطر
لاتشره اليومه على الميزان والأوزانيه
واليا رحلت أعلن رحيلي والعصا لا تنشطر
لو جاك من جور الدهر ما يَفْرق الاخوانيه
صوت رشيد الخليفه:
شكيت لك يابو بدر من ضيق ماهو من بطر
وشبر من البيدى يعوض مجلس الحقرانيه
ما ودي اشقر هالعصى واخرج عن احدود الاطر
لاكن حاديني عليها ضنوة الشيطانيه
صدى عادل مطيلق:
راسي فدى راسك وأنا ماقلت قلبك ما انفطر
مير أخبرك مثل الجبل نايف على الضلعانيه
صمت الشهر يا صاحبي وان صمت ستٍ من فطر
خابت هقاوي من هقى ليا جات بالذرعانيه
صوت رشيد الخليفه:
راسك يدوم اله البقى كمنه اصوك وصعطر
انا بشر ماني نبي والصبر له حدانيه
عزمت في قطع الوصل لوهو سبب منع القطر
مع من يبدل مذهبه في كل دورة ثانيه
صدى عادل مطيلق:
شيً على بالك خطر مثله على بالي خطر
من يفعل المعروف ما يسلم من النكرانيه
أنشبتها بين اللحم والعظم والشارب عطر
وأنته زعيم القوم لا تقسى على الغلمانيه



تبليغ عن مشكلة في القصيدة