ع ــــــمّة البيض

من جور شوق الغرام البارحة ما نمْت
بس آتسامَر معى همّي وهوجاسي

أكتب على صفحة الذكرى وليل الصَمْت
أربع حروفً خَذَتْ فكري ونوماسي

فيها أحبك كبيره دون م ا تكلمْت
بالليل صارت دجى عمري ونبراسي

فيها عتب من غياباتك ولا خاصمت
فيها تعالي غيابك كَسَّرَهْ باسي

أعتب على دنيتي ما في حياها سَمْت
ما تستحي تلتلت بالجور وسواسي

يا وقت يكفي تعب يكفي عذاب وغَمْت
ما غير انا والسهر والشوق واحساسي

صرنا رفاقة وله نشكي زمانً زَمْت
فيه المئآسي تجمّع في فضى راسي

راحت بعيد الحبيبة والعنا لا زمت
واسترسلَت في عذابي والجفى قاسي

هزت كياني وغابت من معاها همْت
ما ريّعَت في دياري صكّت انفاسي

ومن يوم راحَت وانا لاحزاني إستسلمت
من عَ مّة ال بيض عفت أهلي وجلاّسي

جارت بشوق الغرام وعقبها ما نمْت
بس آتسامر معي همّي وهوجاسي

ماجد الرتيق