دخول | تسجيل


قالت اكتب لي قصيدة

لشاعر حسين القفيلي | بواسطة حسين القفيلي | غير محدد | | المشاهدات 1،417


التقيم 4/5
الشاعر حسين القفيلي
قالت اكتب لي قصيده تحتوي أحلى عباره
سمها سارة على اسمي واجعل وصوفي جميله
وابعد الوصف المباشروالذكي يعرف الاشاره
كل رجال(ن) فطين قالوا إن قلبه دليله
قلت يابحر القوافي بالشعر فن ومهاره
وإن سمحت الليل ليلك عادتك تعطي الجزيله
يالقوافي طاوعيني حضري لعيون ساره
ازهمتني بنت شيخ (ن) لي ثقل حمل يشيله
ساره اللي حسنها فتنه يصل حد الاثاره
والاثاره في د لعها بس في الباقي ثقيله
ساره اللي لبسها حشمه ويكسيها وقاره
ماخذت من موضة اهل الغرب فستان وموديله
ساره اللي في الادب والعلم نالتها شطاره
ساره اللي تفتن العشاق برموش(ن) ظليله
ساره اللي خدها بدر(ن)ٍ تعلى في مداره
وإن تبسم ثغرها براق ليل(ن) في مخيله
ياحياتي لو وصفتك زال ليلي مع نهاره
لا انتهيت ولا ذكرت من الجمال إلاّ قليله
ياعذولي ماعرفته في طبوعه في قراره
يختلف في كل شيء واعتقد مابه مثيله
ياهني عينٍ تشوفه ياهني من صار جاره
لاحشى مالي بجيرتها لاني من قبيله
من قبيله ماتخون الجار وتّدور غراره
تكسب الناموس والنالات وعلوم أصيله
والشعر لوصار في حد الادب نقطف ثماره
لايضيع به الحياء ولايجي درب الفشيله
انظمه نظم المحب اللي يبي يعطي البشاره
يوم طال الهجر والحرمان ثم لاقى خليله
إن تغزلنا عفيفين ولا نرضى القذاره
وإن هجينا نتعب المذموم والنفس الذليله
وإن مدحنا مدحنا بأهل الزعامه والاماره
والرجال اللي لهم بالطيب مدات طويله
وإن رثينا مارثينا القبر ورمال الزباره
نرثي الميت إذا به خير في دنيًا مزيله
هل فهمتي ياسوير خط شعري في مساره ؟!
افهميها وإن سمحتي كل حياً في سبيله
ماقويت فراق خلاني ولا قطع الزياره
بس وقتي وانت تدري مامعي بالوقت حيله



تبليغ عن مشكلة في القصيدة