من باعني بعته - محمدالفرحان

انا اشهد اني من فعايلك منصاب
ياللي جرحت القلب جرح ودميته

كنت احسبنك مسندي بين الاغراب
ياللي عشمت الخير فيك وهقيته

واليوم قلبي لاصفالك ولا طاب
ليتك تخبرني عن اللي جنيته

رفعت قدرك بين نجمات وشهاب
وسلمت لك مفتاح بيت بنيته

بيت الغلابيت الوفاء بيت الاحباب
وجعلت ساسه صلب وابواب بيته

ويشهدعلي الرب ماني بكذاب
ودرب الوفا طبعي وانا اللي مشيته

واليوم تقفل بيننا كل الابواب
ياللي برجلك حر جمرك وطيته

ماني على خوة مثيلك بكساب
وابترركك وانساك مع من نسيته

تحسب على فرقاك غرَقت الاهداب
لاوالله الا عيد شفني نويته

من باعني بعته ومقداره تراب
وبارخصه والقلب عنه نهيته

© 2024 - موقع الشعر