سحابة تبرق يمن

سحابة تبرق يمن فيها العواصف والرعود
ماهو يخوفنا الرعد والبرق في المزن الثقيل
يدوم عزك ياوطن مهما نوى فيك الحسود
أخوان نوره سترك الظافي لما أهتز الشليل
حامينها بر 00 وبحر 00 دام الولاء يال السعود
والرايه الخضراء عساها دوم في راس الطويل
الجيش ورجال الأمن أسود في الموقف اسود
لو غيًم البارود لين الشمس كنها نجم ليل
يبقى وطنا شامخ (ن) والكل بالخندق جنود
من الشمال إلى الجنوب وشرق يا سوداء نثيل
والغرب جاوبه البحر لبيه وافين العهود
وردت شواهيق الحجاز وكل واحات النخيل
ثم أعتزت جازان في نجران يادار الصمود
لاعاش راس الخاين الخداع والرجل الذليل
إما حميناها وبعنا الروح من دون الحدود
ولا فعدونا الدلال أللي بها بن(ن) وهيل
حنا تعودنا الظفر ورث(ن) على طبع الجدود
وإن جات حزات الوغى ننفض لها السيف الصقيل
هاذي المواقف والرجال أقسى من الصم الحيود
لو ثارت الهيجاء وشب الزند من راس الفتيل
صدورنا ميدانها نروي الضمانه من الكبود
والطير يشبع عقبنا والذيب في الوادي المحيل
قلته وانا من لابة تحمي المواقف و العهود
حنا بني يام الفخر مزبنة وجه الدخيل
سمحين ذربين الفعل نحل مبهمة العقود
شينين لوجانا الخطأ ماعند راعيه دليل
بلادنا حربة نحر في وجه طماع(ن) حقود
ولا الصديق نقوله يامرحبا 00شكرا جزيل