يا يمه منتهي جيتك

يا يمه منتهي جيتك ....وطالب منك الغفران
اقبل قاعة اقدامك .....واغسلها بدمعاتي..
يايمه كل مافيني........ينادي لك أنا ندمان
طلبتك قولي سامحتك......وردي لوجهي بسماتي..
انا ادري قلبك الطيب....كسرته بصدمة النكران..
غلطت وغلطتي هذي...تعير كل غلطاتي..
تشوفي الشيب يايمه...تشوفي الشيب يايمه... ترى ماجا وانا فرحان..
وربي اللي رفع ذاتك....ونزل للردي ذاتي..
فقدت الراحة من بعدك..فقدت الراحة من بعدك...فقدت الطيبة والتحنان..
بدونك راحتي غاية...بيدينك هذي راحاتي
انا..انا..انا بعدك ولاحاجة..انا بعدك ترى عميان..
اشوف ولا اشوف اللي ....يوريني مساراتي..
انا وسيد الشقا والهم.....من بعدك غدينا اخوان..
يجيب همووووم هالعالم...ويرميها في متاهاتي..
صدقتي يوم قلتي لي..صدقتي يوم قلت لي..تدين اليوم بس تندان..
رميتك في بداياتي..ورموني في نهاياتي
انا من شالك بايده...ورماك باسفل البركان...
نخيتيني وطلبتيني...ولاحصلتي نخواتي..
مثل ماهنتي بعيوني..عليهم يمه قلبي هان
رموني بعضهم فزعة...وانا الدمعات فزعاتي..
يمه لاتظنيني..يمه لاتظنيني..انا من فعلهم زعلان
سوات فيك سويته...وسوو فيني سواتي..
يايمه بالله ضميني....ودفيني باهالاحضان..
انا ادري فيك مشتاقه....وهمك بس ملاقاتي
يايمه..يايمه حيل ضميني..ابي ارتاح انا تعبان
تعبت اهرب من ذنوبي...ابيت اخر مسافاتي..
ابسمع منك أي كلمة..ابسمع منك أي كلمة...لصوتك مسمعي ولهان
ابسمع يمه..يمه بصوتك.....ابذكر فيها نشواتي..
ابسمع منك أي كلمة....لصوتك مسمعي ولهان...
ابسمع يمه بصوتك...ابذكر فيها نشواتي..
اشوفك ساكته يمه....غفيتي والا انا غلطان
غفيتي يابعد عمري....تعبتي من مواساتي....
يايمه..يايمه...يايمه طالبك قومي...إذا لي بعيونك شان
اشوف الموت بعيونك...عساها تخيب هقواتي..
تعالوا..تعالوا يابشر شوفوا...انا محتار..انا تلفان..
انا امي مدري وش فيها...انا مدري انا احاتي..
شنو ..شنو..امي انا ماتت....لا لا لا لا ترى غلطان
انا امي ماتخليني..... على حزني ووناتي..
انا امي قلبها طيب .....ولا يمكن تبكي انسان..
انا امي ماتبكيني.... ولاتتمنى آهاتي..
يايمه صح ما متي....يايمه صح ما متي...وصح الموت تو ماحان..
إذا متي أنا بعدك...بقضي وين ساعاتي..
يايمه..يايمه قومي..يايمه قومي يايمه....وقولي الموت لا ماكان..
انا جيتك وانا ناوي...اببدي فيك جناتي..
تركتيني ومتي ليه....تركتيني ومتي ليه؟؟...تركتيني وانا غرقان..
ولا مسموح ياوليدي ....ولا تلعنك لعناتي..
انا الجاني..انا الجاني..وانا المجني...وانا المخطي وانا الندمان
وانا بيدي رميتك أيه.....وبعثرت ملفاتي..
وجيت من الهنا مفلس...وقلبي من الضنا خسران..
تركتيني على ناري....اعدد فيك زلاتي..
ولاني مرضي لربي......ولاني تابع الشيطان..
انا بعدك ترى مابين......نهاياتي وبداياتي...
يايمه منتهي جيتك..........وكلي مرتجي غفران..
وشفت الناس تلعني....... وتحذرني من الآتي..
وشفت الناس تلعني......وتحذرني من الآتي......