لاضاق صدري قلت يا قاسمت خيـر - عبدالمعين بن عقل الثعلي

لاضاق صدري قلت يا قاسمت خير
سج القدم يمشي على غير داعي

عديت للعالي بعالي النواضير
وادله ليا شفته على الحزم اشاعي

واسهروساهرت النجومالزواهير
لامايجي للفجرنوروشعاعي

قالولي ابله قلت ياهل التفاكير
هاذي علوم اهل العوم الضياعي

وانا مغير مولع القلب يا بدير
اشري وابيع مشترايه وباعي

والله مغير اصخر القاف تصخيرتصخير
مادوب العصا لين اطاعي

ومن دق به مثلي هجوس وحواشير
يضيق به لو الطريق اتساعي

امقابلن خضر الوداياالمهاجير
على حفافن بين حره وقاعي

والله لو ان الغرس والقصر والبير
تمشي على مافي هوايه وناعي

عن ديرتن فيها تدب الجعارير
وفيها الدجاج وماشبه له يعاعي

لشدوانزل في مرب الخواوير
وامشي مع الحزم السماح الوساعي

ليااختلط نبت الزهروالنواوير
غزيت في العبله عمود الشراعي

غربن من النفره جنوب المخاضير
شرقن من الفيضه شمال الكراعي

ياويل مرباعن بهاك النهابير
وياوي سلفانن بها القلب ياعي

تلقا بها سمر البيوت الدواوير
سمر البيوت مثولثات الرباعي

بأطرافها كنه قصابة جزازير
يفرح بها الطرقي لياأضرم وجاعي

واهي بيوتن متيهيين المعاشير
ألاد روق أهل الطعون الوساعي

اللي ابهم شقح البكار المغاتير
ترعا بهم فالخوف من غيرراعي

تلقابها شقر البني الغنادير
زرع القلوب لكل قلبن ولاعي

اللي لهن بمولع القلب تاثير
قسمٍ من البنك الكبيرالزراعي

واللي لهن من طب الامراض تقرير
تقرير طبٍ للقلوب الوجاعي

اخذتلي معهم مطير ومشاوير
ركضة جهل يوم الهلع والدلاعي

واليوم عنه اقفيت لوهن مناحير
حسم ٍلحل المشكله والنزاعي

واقفيت عنه اقفاي ركب المعايير
واخذت من تالي المحبه وداعي

الا بحب اللي بناري مصايير
سمرن على جال المناره مقاعي

يازين شبت نارها للمسايير
لجالهم عندي عليهااجتماعي

اخذ بهم زال الحياة التعابير
والا انها ماغير عبر ومتاعي

واسند عليهم في ليال المعاسير
ويروح شبري في محطة ذراعي

والاهي الدنيابربح ومخاسير
يومٍ حدورويومٍ الها ارتفاعي

ولا كل طيرن ينتقلد على طير
ولا كل من هام الشجاعه شجاعي

ماينتقلد بالحرار العصافير
ولاينتقلد بالقرمب الافاعي

لو قلدواشيٍ على شي تغيير
مايتقلد بالطبيعي صناعي

© 2024 - موقع الشعر