صحيح ان القصايد كلها تبحث خفـى الرجـال= يجيب الرجـل مايطـري ببالـه فـي قوافيـه


انكانه هزل جت هزله وكانه جزل جات اجزال= ولكـن بيـض الله وجـه مـن ثمـن معانيـه


اليا منه طرى في باله يقـول القصيـدة قـال= حرام ان اجمع اجزال المعاني صـف منقيـه


ويتعب فالقصيدة لجل لامنـه اطلبـوه ارجـال= يعـد بيوتهـا بيـن الرجـال يثمـن الجـيـه


يحلل كلمتـه قـدام يعرضهـا علـى العقـال= فطاحلـت الشعـر ومحلليـنٍ كــل قافـيـه


ترى الغلطه ليا من سمعهـا العقـال ماتنـزال= يزول العمر كون الكلمة العوجى هـي الحيـه


بقدر المستطاع اثبت وجودك والعلوم اطـوال= مع العريـف مـادام الشعـر عبـره إلاهيـه


ولا تعرض قصيدك للسفيه ولا على الجهـال= تمل الناس منها لو هي مـن الخجـل مرفيـه


لأن الجاهل اليا من نساها ثـم طـرت فالبـال= لونـه مـع صـلاة الفجـر لحنهـا هجينيـه


يازين الكلمه اليا جت معانيهـا حكـم وثقـال= قصيـدٍ يعجبـك بــاول معانـيـه وتالـيـه


يجيك البيت مبهم لاكن انـك تفهمـه بالحـال= وهو يصعب على اللي نظرته للشعـر عاديـه


ومدام ان القصيد اكثر معانيـه ثمـان اجـلال= تقول الناس جعـل الله يبيـض وجـه راعيـه


هذا والله القصيد اللي يثمـن وقفـة الرجـال= وغيـره والله انـه ضايـعٍ مــره وحلـيـه