انتهينـا وارفـع لــدرب فرقـانـا شــراع= باتحـمـل غلطـتـي والقنـاعـه مكسـبـي
لو عيوني من سبايـب ظنـا الفرقـى اجيـاع= اجحـدي ياعيوينـي اكبـر دلالات اغضبـي
دامني قـررت والقلـب راضـي(ن) باقتنـاع= ما تعـودت اتلفـت وانـا مـن صلـب ابـي
والرجل لا عاف ماشـاف فـي ماجـاه فـاع= ومن رضى بالهون ماهو بمن صلـب اعربـي
لـو تعلـق فـي هـوى مـن يحبـه بالتيـاع= وقـال لعيونـه علـى الخـد هلـي واسكبـي
لازم ايحدد بـدرب الهـوى شبـر(ن) وبـاع= عقبهـا يـلـزم علـيـه ايتـفـادى ويعـبـي
فرق بيـن الليـل الادهـم ومطـلاع الشعـاع= وفرق بين الراس بالقوم مـن خطـوى صبـي
ولا تحسب اني ما اعرف الشجاع من الرعـاع= ومدرك(ن) قدر الاوادم .. واقرر ويـش ابـي
اسبقونـي يـوم قالـوا تـرى الدنيـا مـتـاع= ومـن تغيـر جـزت منـه وهـذا مذهـبـي
الخطاء مـا ارضـاه وقـف وشليـت القنـاع= وبان وجه الزيف ..واشعلت نـاري باحطبـي
يامدرعـم لا تهقـوى تـرى دربـك ضـيـاع= راحة البال الصراحـه وقـل لـي وش تبـي
التطـبـع لا بغيـتـه يـمـاثـل للـطـبـاع= يحرجـك وينزلـك مـن عـلـوك باهـدبـي
وما انكر ان وجهك به الحسن زاد الصاع صاع= والعيـون السـود لا سلهمـت تسبـي سبـي
وفيك وصف الزين راهـي ولا تلقـى نـزاع= وفيـك هيبـه مـن تلفـات عنقـك ياظـبـي
حتى لو هذي اوصوفـك تـرى مـا فيـه داع= عافك الخاطر ولو جيـت تحبـي لـي حبـي
تدري اني كنت مغليـك لاكـن كيـف ضـاع= مـا تجاوبنـي وتــدرك وتفـهـم ياغـبـي
الغـلا ماهـو بيشـرى ولا شـي(ن) يـبـاع= الغـلا وهبـه مـن اللـي بعـث فينـا نبـي
والغلا مايحكمه وصـل مـن عقـب انقطـاع= يحكمه قلب(ن) سموح(ن) الـى جـاه اعتبـي
واثق(ن) منها "وكل امراء(ن) بمـا استطـاع"= لا تـزودهـا كفـايـه وابعطـيـك اطلـبـي
ودي ادرسك درس(ن) عـن افنـون الـوداع= وياعسـى الله يخلـف اللـي بذلتـه واتعبـي
ولا تحسب اني ابـي منـك للامـر انصيـاع= ابغـي اعلمـك والا انــت لا والله اتهـبـي
من يعـز النفـس يرقـى شمـوخ الارتفـاع= ومن فضـل رب المخاليـق عزيـت اشنبـي