الـى متـي ياللـي ذبحـك التغـلـي= يامن سكنـت القلـب واشعلـت نـاره

تليت قلبـي يـا اريـش العيـن تلـي= وانـا غريـب مبعـد مــن ديــاره

اشفق على شوفـك وارحـب واهلـي= كنـي سجيـن (ن) بلغـوه بـزيـاره

لا يا بعد ناسي .. وراسـي .. وكلـي= لا يا عمار.. القلـب لا... يـا دمـاره

حبك سكن بالقلـب واصبحـت خلـي= وشيدت لك وسطه صرووح وعمـاره

لا شفت وجهـك ضاحـك مسفهلـي= ما عاد اغبط اللي بكرسـي الـوزاره

لبيـه.. مـن قلبـي ولبيـه يالـلـي= اطغاك حسنك مـا تعـرف الخسـاره

واثـق تقـول انـك ابـد مـا تزلـي= وانت الـذي حطيـت بالقلـب امـاره

الوصـل يـا مظنـون عينـي يحلـي= حب جمع قلبيـن... واعلـن خيـاره

اعتـب علـى قلبـي عتابـك يسلـي= وارسل على عيني من الرمش غـاره

وطبـع الغـرور اقـول خلـه يولـي= والحر تكفـي لـه رمـوز الاشـاره

يا...ابو العيون اللـي هدبهـا مظلـي= ترى عزيـز النفـس يقـدح شـراره

((جاوب سؤلي لا سئلتك وقل لي..؟ ))= (( قلبك معـي والا تغيـر مسـاره ))

وان كان غيري فـي خفوقـك يحلـي= وش عاد اقول ... الله يعيـن العبـاره

من باعنـي بعتـه وانـا فـي محلـي= ولا عـاش راس مـا يـرد اعتبـاره

غيـر مسـارك لا تـزيـد التغـلـي= العود لامن جـف سهـل انكسـاره !!