واقلبي اللي طاغيـات(ن) اهمومـه= الصادره .. والوارده .. والمقيمـه

مما جرى طرف العنى عاف نومـه= وبعض المصايب كايدات(ن) عضيمه

اشوف وقت(ن) ظايعات(ن) اعلومه= وقت(ن) غدت فيه العزاوي جريمه

واللي يشوف بمخة الـراس هومـه= يقعد مكانـه .... والمذلـه ظليمـه

واللي ظرى بالهاس ... يعلي بحومه= ووجهه ابخير(ن) والقوايـم سليمـه

يالطيب انزل واصعـدي يارخومـه= شعار وقـت(ن) مقبلاتـه وخيمـه

عزي لمنه(و) ما ملك قـوت يومـه= لا عاد له قدر(ن) ولا منـه شيمـه

وحقايق الرجـال سـاوت احلومـه= وصارت سليمات الهقـاوي سقيمـه

احد(ن) يفكر كيف يرقـى انجومـه= واحد(ن) بوسط الجوف ناره ظريمه

واحد(ن) يرقـع بالرقايـع اهدومـه= واحد(ن) يجر البشت من دون قيمه

فكر معي يا من تنومـس اعزومـه= في ذمتك ... وين الحيـاة الكريمـه

انشدك وين اهل القلوب الرحومـه= يوم اكثرت فينـا النفـوس اللئيمـه