يا قبلة الخلق قلبي ليـش تلعـب بـه= ما احد ٍ يسوي سواتـك يـا مشقينـي

يا لعنبو كـل قلـب مـا حفـظ حبـه= لا ابو دموع النفـاق اللـي تمسينـي

لا ابو ضمير ٍ ما هو بيخأف من ربـه= لا ابو الثقه في بعض الاشكال يا عيني

يا هاجسي كـل هـم بالحشـى خبـه= ومن لا يقدر خفوقـي كيـف يعنينـي

يا هيه صب اشقر الفنجال لـي صبـه= امـا يـداوي الخـوى والا يلهوينـي

ويا هيه ولع حريقـه والحطـب شبـه= باحرق بقايـا جـروح ٍ باقيـه فينـي

ان كان مرسول قلبي ما قضـى نبـه= ما اني بابن كحله ان ما جيت تدعينـي

من باعني لا حشى ما امشي على دربه= الله يسـهـل علـيـه ولا يخاويـنـي

الجرح كيـه بنـار البعـد هـو طبـه= ويا فاقد الشي ما انطر منـك تعطينـي