اعيش بغربتي صابر واسايـر حظـي المنحـور= بعد جرح الزمـن مـا باقـي الا جـرح خلانـي

تعمدت ابتعد واعيش انـا فـي غربتـي مستـور= عشان ابعد عن التجريـح واحفـظ حـق ميزانـي

الا يا قلب وش تبغى بدرب كـل ابـوه اوعـور= عذلتك وانـت مـا تسمـع كـلام فيـه سفطانـي

انا وش جابني للحب ... عقب الخاطر المسـرور= وش ابغى في دروب العشق حظي ليـش عنانـي

يقولون الهوى نظـرة وصـرت بنظـرة مأسـور= وطاوعت الخفوق اللي جبرنـي ينطـق السانـي

وبلاني ربي برمعة غرام مـن ثـلاث شهـووور= غريبه اطلب ارضاهـا وهـي تسعـى لحرمانـي

هنوف من حلاها وصفوهـا مـن بنـات الحـور= الـى مـن سلهمـت برموشهـا يهتـز وجدانـي

يموت القلب لامنها ... اعقدت لي حاجب مسحور= ويحيى القلب لامنـه ابتسـم لـي ثغرهـا هانـي

حلاها زايد سبحـان مـن زود حلاهـا نـووور= الى من شافهـا اللـي قاسـي قلبـه لهـا لانـي

بها هيبـة زعامـه غنجهـا متغطـرس مغـرور= وبها لين .... وتـرف متخالـط .. يالله تحمانـي

هنـوف لا مشـت قايـد كتيبـه يتبعـه طابـوور= والى منها اوقفت ... يرتد طرف العين خجلانـي

صراحه يستحي حررف القصيده ما يجيد الـدور= الى منه بغـى يوصـف محاسنهـا رجـع ثانـي

اعرف انها عنيده لا ... ولا هي تستمـع للشـور= سموح مـا تعاتـب بـس تعطـي درس مجانـي

لو انه غيرها ... والله ما اصبر واحتمل للجـور= لاشك القلـب يجبرنـي يقـول ان العمـر فانـي

عذابي لا متى والروح .... تشرب كاسك الممرور= ابي منك الحنان اللـي يعـوض قاسـي ازمانـي

كوت قلبي بقسوه لو توزع فـاض منهـا ابحـور= وصبرت وعشت انا حلمي امل والحلـم سلانـي

يخون الحلم او يصدق ابصبـر والحيـاة اتـدور= امانه خبروووهـا... لا تخلـي صالـح ايعانـي