ياحرف شعري قم وفـز وغـرد= وارسـم قصيـده وانتبـه تعميهـا

قل للذي وده يعـرف اش ذوقـي= ذوقي رفيع (ن) لا بغيت اطريهـا

معشوقتي فيها الوصايـف زينـه= وعقل وثقل ما احد(ن) كفو يغويها

الوصف لو ودي عجزت اوصف= تترس اعيون اللـي يناظـر فيهـا

معشوقتي .. باستاذنـك باوضـح= ملامـح(ن) تتعـب قلـم راويهـا

انا دخيل اعيونـك اللـي ترسـل= غارات واسهـم بالنظـر ترميهـا

لا تلحـق القلـب المعنـى حـده= تكفي همـوم(ن) خافيـه يحويهـا

اي والله احبك و انـا كلـي لـك= وان مـا كفـت والله لا ضويهـا

والخبط الحسبه ال عينى ضحكـه= واحوس مذهب مـن يفكـر فيهـا

كان الغلا وصـل الـى الغيبوبـه= غيبوبتـي.. والله... مـا اخليهـا

لبيه..... ياللي لا زعلت .. اتزعل= كل العرب ما احد(ن) قدر يرضيها

الى انعقد حاجب وحول حاجـب= ترد... عاليها ...علـى واطيهـا

فيها تـرف فيهـا دلـع يعجبنـي= لايق عليها ما احـد ...ايخطيهـا

وفيها غرورالطفلـة... الحبوبـه= وفيها تغنج ما احـد(ن) يصخيهـا

اموت واحيا وانتثر لارضاها=وان رحت انا ياعلني فاديها

يا لابسة تـاج الجمـال المخفـي= جمال شكـل وروح مـن يوفيهـا

ويا مغوية قلب الحبيـب العاشـق= حـرام تعذيـب البشـر يكفيـهـا

هذي حروفي وانتـي المقصـوده= وشعري يطاوع لا بغيـت اهديهـا

اسف انا طلعت بعـض اعيوبـك= واعيوبهـا فيهـا وانـا هاويـهـا