ظرفي يبعدنـي واعيـش بخيالـك= وابني الامل لاشـك وقتـي يهـده

يا مخفي اسرارك ولغز احتمالـك= اللي على الخاطر من الحكي بـده

واسأل وانا باجاوبك فـي سؤالـك= واعلمك وشلـون هجـر المخـده

وان قت لي وشفيك ضيقت بالـك= فأنا العزيز اللي قسى الوقت ضده

وانا الجريح اللي من الشوق هالـك= وانا الغريب اللي نقـل كـل شـده

حس بشعور اللي عنى لك وجالـك= وفكر وقـل هالادمـي وش يحـده

ما تشوف يالمغرور حرفي عنى لك= وقصيدتي ... سميتهـااا المستبـده

شعري يطاوعني الى جاء مجالـك= وحروف قافي حضـرت مستعـده

يحق لك تغتـر واتشـوف حالـك= حتى السلام اتشح بـه مـا تـرده

عينك بهـا سحـر يبيـن جمالـك= وغنجك مع الترفات ما احـد ينـده

أي ... والله انه لايق لـك دلالـك= دلع ... دلع ماشفـت مثلـه وقـده

ويزيد حسنك لا انسجمت بجدالـك= والموت لا خالط امزوحه بجـددده

واهيم قدااامـه مـا عـاد اتمالـك= نفسي الى حمر ... بالاحراج خده

انا اتحدى كـل مـن جـاء قبالـك= يظبـط بتفكيـره ..حسابـه وعـده

حسن وترف بالله مالي وماااااالـك= تبي الحقيقه وصل الصبـر حـدده

اغتر سـو اللـي ببالـك حلالـك= شاعرك يعلن لك ولاء ... المـوده

يموت بعيونـك وخـدك وخالـك= ولا من ضحكتي يالغلا بـاح سـده

زبدة كلامي (كلمة ٍ ) قلتهـا لـك= اربع حرووووف فوقها حط شـده