ما متّ يا بو دْبيّ دام فـ عيالك=عزّك و فزعات المروّه على الدوم


يا راشد اللي كم بكتك الممالك=في موتك و كم هي حزينه إلى اليوم !


لا ما دروا إنّك تعيش بفعالك=بالقلب حيٍّ و انت هب أي مرحوم


مكتوم عقبك طال نجم العلا لك =و في دبيّ من يودات مكتومٍ وشوم !


يرحمه الله فيه حقق منـالك !=و يبقى بذكره إن توفّى بنيـدوم !!


و في محمّد الشغموم ما خاب فالك=فارس و تشهد له صداقات و خصوم


جزلٍ كريم و هالكرم من خصالك=يعطيك حتى ما عليـه امن لهدوم


حازم ومن عاداه أرداه هالك=أمّا عن فواده بخبّرك بعلوم


قلبه خضر يثمر جناة الهوى لك =شاعر و شعره غيث تحفل به اغيوم !


إيحرّك بسبك القوافي خيالك=مرّه تغوص فبحره و مرّه اتعوم


هذا ترى محمد نقي المسالك=عالي و جمل العذرايب محـشوم


حظّ الذي جالك لحضرة جلالك=يا امحمّد إبن العزّ يا عزّة القوم


منهو لي منّا و لا تمنّى وصالك=ولا حسّ بانّك منصف لكلّ مضيوم !


راشد أبوك و زايد الخير خالك=قرمٍ و خذت الوصف هذا من قْروم


ياعلّ نفسي يا الفلاسي فدى لك=طول العمر تبقى ذخر آل مكتوم !


يابوي لي ما انته ببوي و كذلك !=ما اظنّ أطالك .. بسّ كلٍّ له احلوم :


حلمي صغير ومثل طفلٍ برى لك=يحمل معه طيفك من الصحو للنوم ،


لو مرّت فـ يوم إكتبيّه ع بالك=عدّ إنهّا بنتك .. ولو هي م لعموم !