مْن لْمَحْت الشيخ بالخـيل ايِـعَدي=إحْتْدَم في داخلي شْـــعر وْ شعور !!

وْانَفَلَتْ قلبي "قصيده" .. من يَدي=في مَدِحْ هالفارس الـــفـذّ الـجَـســور

للمَشاعر قلت: "ورفجه هـــيّدي=وْ قيّدي مزمَل لخَــطْواته يثـــوور "

لين ينهيه السّباق وْ .. يــبــتدي=رحلة الفوز المـــكــلــّل..بالسّــرور

أَقْـبَل الرقراق..بو الوجه النـّدي=يبسم وْ طـــلّته تتــضوّع عطـور!!

وْ اللجام بقبضة الشهم ايْـغَـــدي=سهم يرمي به و تصويبه ..حْـــذور

مرحبـــا بْــهزّاع..أهـــلاً سيّدي=حَـــيّ خير انجاز مِــن هذا الـفخور

خيلك الأوّل..مهــوّل يرعـــدي=يَعْدو وْ قدْح الحوافر..نار!!نـور!!

يمْثْل لْهَيْبَتْك.. يا ابن الأجـْوَدي=وْ من قواه حضور.. مهيوب الحضور؟

يا "الفلاحي" يعل فدواك الـرّدي=عشت " بــو زايد" لأحبــابك دهور

فيك..ما بَكبح قصيدي و اهتـدي=قاطعـه الأبيات في شـخصك ..نـذور

وْ دامني أكتب..و جيلي لك فَدي=الشعر..هــزّاع /..هــزّاع الشعور!!