أحدٍ في وقت الضيق يكفيك عشره =وأحدٍ اذا عزته يزيدك عباله
تلقى بعض الوجيه سمحه وبشره =وبعض الوجيه تبان فيها النذاله
شيىٍ يجوز وشيى ما يجوز نشره =يا شين من ينوى الفضيحه عماله
لا صار سوء أخلاق مع شين كشره =لا تقصده يا صاح وجنب مجاله
صاحبك لازم في حياتك تخشره =هو راسمالك وانت له راسماله
خلك سند في كل خيره وشره =لا ضاق حالك لازم يضيق حاله
واللى تهون بنفسه لك يوم عشره =خله وتلقى صاحبٍ لك بداله
واجب إليمن صاحبك لك تشرّه =إنك تطيّب خاطره وتعنى له
واللى بمشاكل غيره خشمه يحشره =يجزم على ما جاه ناتج خماله
ويا جعل ربي يرحم بيوم نشره =ويغفر لنا زلاتنا والجهاله