كل ماجيت اكتب الخط واعطيه الطروش
=خفة من هرجة عدوًًًٌُ يحـب الوشوشـه
حبنا حباً على ساس مهوب امغشـوش
=يوم بعض الناس حب الهواتف مبلشـه
يزعج العربان لو كان مايقـدر ينـوش
=يحسباً الحب ضحكـة لسـان وفرفشـة
يم خزرني بلعبون الوساع ام الرمـوش
=ان فهقت اخلاف خطوه وجاء في ارعشه
كني اللي شاف خصمه ولايقدر يهـوش
=ما نتبه له لين طلع سلاحـه واربشـه
انقسم قلبي وكنه من الصدر امحشـوش
=مير ربـي رد قلبـي محلـه وانعشـه
عنق ريمٍ يلتفتبه من الصوت امخروش
=فز قبل تشوف عينه سمع صوت اقرشه
فالعيون السود شبه من اعيون الوحوش
=والحجاج اسود وكنـه بكحلـه ينقشـه
والشفايف كنها الورد فالوجه البشـوش
=من بياضه لو ينوش الاصابع تمخشـه
ما تسمع في الاغاني ولا افلام الدشوش
=ولا تمشى بين راعي الذهب والاقمشـه
لو اشوفه مقبل لي وحظي له يحـوش
=والله اني لا ازرع الدرب ورد ولا افرشه