ياللي على بيتكم مـن غـرب بوابـه
=سايف بهـا لجـل جـارك لاتقفلهـا الجـار لاحتـاج جـاره لازمٍ جابـه =وانـت العلـوم البسيطـه ماتسهلهـا قلبـي تولـع بحبـك وانتـه اسبابـه =وقف و ابى اشرح لك القصة من اولها تخبر يوم العصر في حوشك تمشى به =يوم القصـر فيتـه فوقـك مـضللها نضرتنـي نظـرتٍ بالعيـن جذابـه =نظرة غـلا تفتـن العالـم وتشغلهـا وامسيت نفسي من اللي صار منصابه =حتـى العلـوم البسيطـه ماتحملهـا اسج وادله مع الهاجـوس واصحابـه =والصوره اللي علـى البـال اتخيلهـا من لام راع الهوى عساه يبلـى بـه =من شان مايشمـت العالـم ويعذلهـا وانا بليت ابهوى اللي ينقش اخضابـه =غروٍ يسبب رضا نفسـي ويزعلهـا ياراكب اللي جديـد ولا فتـح بابـه =تـو البواخـر موديلاتـه تنزلـهـا الفين واثنيـن فـي لوحاتـه اكتابـه =ثلاثـة حـروف جملتـه وجملـهـا من غلي سعره قليل المـال ماجابـه =القيمـة اللـي تجيبـه مايحصلـهـا فكسار لونين يشـرح صـدر ركابـه =لاعطى خطوط الوعر والا مساهلهـا ياما حلى قدم آذان الفجـر مسحابـه =راعيه نفسه على الممشـى تعاجلهـا الناس نامـت وهـو الليـل ممسابـه =من العشـاء كـل حاجاتـه محملهـا من شرقي العاصمه ركب وتواسابـه =حتـى اتجاهـات بوصلتـه معدلهـا ساعة نزل مع جبال طويق واهضابه =تسمع صرير التوايـر مـن فراملهـا واليا ارتخى مقدمه مع خـطٍ نحابـه =يشـدي لحربيـتٍ تقـذف قنابلـهـا فوقه شجيعٍ طويـل الخـط ماهابـه =وارسالتن يم اعـز النـاس مرسلهـا راعيه خلى التوقيف ويش يبغـى بـه =حتى التوانـك مـن البـارح متيلهـا يبغى تربه ديرة اهل الطيب و الهابـه =إن فكـه الله مـن السامـوح قيلهـا ملفاة سلطان سعد اللـي تعـزوا بـه =مـن روس ربـعٍ تنومسنـا فعايلهـا كريم سبلا لاشاف الضيف هـلا بـه =كـل المواجيـب للضيفـان يكملهـا قله علوم إبن عمـك داخـل اكتابـه =فكـه وتلقـى مواضيعـه مفصلـهـا ويش النظر في مريضٍ عمست اطبابه =دخل بروحه هـوى نـاس وعلعلهـا من دونهـم واحـد واقـف بمشعابـه =ماتهمه الناس لـو كثـرت مشاكلهـا لو انـه يسمـع ويوحـي مابلشنابـه =يمكـن مواضيعنـا نقطـع جنازلهـا لكن بعض العلـوم تثـور اعصابـه =يظهر خفايا العوارف نطـق جاهلهـا و الآمر ماينشرح لك وانتـه ادرابـه =و إن كان تقدر لي بفزعـه فاعجلهـا وبذكر ربي ختمـة القـول وابدابـه =اعداد ماينزل المـاء مـن مخايلهـا وهـــذا رد الشاعر سلطان حمود القوادي البقمي : اهلاً عدد مايـرف الطـرف باهدابـه =واعداد مـن حـب لـه دار وتوهلهـا واعداد من زار بيت الله وصلـى بـه =واعـداد ماخطـت اليمنـى بأناملهـا واعداد ماغرد القمري علـى الغابـه =لاحميـت الارض وامتسـت قوايلهـا واعداد مادش سوق البيـع جلـى بـه =بأرسالتٍ مـن غلاهـا قمـت اقبلهـا جتني وانا في شقى واظروف غصابه =وانستني همـوم دنيـاي و جلستلهـا قريتهـا والمـزاج اثـارة اعجـابـه =واوضح من الشمـس مايحتـاج احللها من صاحبٍ ضاع وقته ماتهنـى بـه =والوقت محسـوب للنـاس ومشاغلهـا وانا احسب انه منـول عقـل اركابـه =وكفاه مـن ماضـي الدنيـا بهاذلهـا واثره تعب فالطريق اللـي تعبنـا بـه =لو كان يضحك مرض روحه مطاولها بـلاه ربـي بمخلـوقٍ تـلـوا بــه =ومن دونـه النـاس مايقـدر يعاملهـا هذا الذي صار له واخاف يغـدا بـه =لاهـوب خذهـا ولا وقـع تنازلـهـا وجلسـت افكـر بمشكلتـه وماصابـه =في مسرح الفكـر اصورهـا وامثلهـا لو ان ابه عذر واضح ماعتـذر نابـه =ببـذل لـه الجهـد والله لايعرقلـهـا وجهزت جمس وكالاتـه تحـدى بـه =لـولا المريكـان وردتـه عنيتلـهـا جمسٍ ليـا طالـت الطرقـة يمارابـه =كـل الموديـلات مـن قبلـه يبطلهـا احـدث موديـلٍ لقينـاه وفرحنـابـه =ازرق على ابيـض والاناتـل اميلهـا امضمنن مـن قبـل لايدفـع احسابـه =حتى المراتب امـام وخلـف فاصلهـا ولادق سلفه وعشـق واغلـق ابوابـه =كن البلـوف آيـة الكرسـي ترتلهـا ودورت واخترت لي قرم مـن اللابـه =كل المشاكـل ولـو صعبـة يقابلهـا من قصرت اخطاه في الدرب يتجرابه =ومساري الليل مـن طبعـه يفضلهـا وسلمت له ظرف يحمل وسطه إجابـه =ثم قلتلـه يـم ذاك الرجـل وصلهـا ترى السفر خابـرك ماتنقـل اتعابـه =مـن اول الليـل طرقتـك استعدلهـا ولامن الازعاج ثلث الليـل قفـى بـه =واهل المطاريش مسرى الليل جازلهـا حرك من ارض رست بأرجال حرابه =يـوم الحرايـب مولعـتٍ مشاعلـهـا ديـرة رجـالٍ فخرهامايحلـى بــه =دار تربة و ارفـع الـراس بقبايلهـا سره ونجم الجدي قدمـك تقـدى بـه =مع اتجـاه الغـوارب مـع مسايلهـا خطك يعـدي ديـار سبيـع واعتابـه =وديرة عتيبـه مـع المثنـاه يفصلهـا ولاجيت لطويق والموتـر تعلـى بـه =وانحيت واحياء الرياض تشوف اوايلها صل الفجر فرض ربك ولاتباسى بـه =وحـي السفـارات وانـواره تقابلهـا فادخل بوسط الريـاض ولاتلهـى بـه =حتـى الاشـارات لاتمشـي وتقفلهـا ملفـاك شهـمٍ ذراً للضيـف واقرابـه =بمجالسٍ كل صاحب عـرف يدهلهـا تلقى الكرم والوفاء والطيب يحظى بـه =ورثـت لقـومٍ وهـوه مـن سلايلهـا هـذا شديـد نمـوت ولافدينـا بــه =ناس علـى هامـش الدنيـا نجاملهـا اعطه جواب على شانـه عنينـا بـه =واتـرك مجالـه ونفسـه لاتسايلـهـا انا ارعف إن المحبه موت يدعى بـه =اخلف جهال الرجـال وسـم عاقلهـا كـم واحـدٍ مستقيـم ولعـب بثيابـه =رجلـه مشقـاه ودموعـه مسبلـهـا شكيـت يابـو فهـد والنفـس غلابـه =لو كان تدبيرها تحـت امـر كافلهـا وانا معك لـو علـى مدفـع ودبابـه =لو كان نـار الفتـن تشعـل فتايلهـا في حشمة اللي علينا وجـه اخطابـه =حلفت لجلـه جهـود النفـس لبذلهـا إن كان بامال والا جـاه باسعـى بـه =واحاول اسعى ورا الاهداف وآصلهـا هذا الذي نقـدره واللـي نوينـا بـه =وإن كان باقـي حلـول انـا اتكفلهـا مـن نيـةٍ صادقـة ماهيـب كذابـه =يابـو فهـد لجلـك الصعبـات اذللها وصلوا على اللي عن الشرك اهتدينا به =اللي حمـى الديـن والكفـار قاتلهـا |
||||||
| vists | copyrights slogon | online crap |