العيـد فرحـه والفـرح بجتمـاعـه
=وعيد ( ن ) جمع ربعي عسى الله يعيده
افرح إلى شفـت اجتمـاع الجماعـه
=واطرب لهـم لـو كـان داري بعيـده
احبهـم حـب ( ن ) بقلبـي ولاعـه
=حب ( ن ) بلا مقصد ورفقـه وكيـده
وليا دعوني قلت سمع ( ن ) وطاعـه
=عيب (ن ) علي اليا تركـت الوعيـده
ذولاه ربعـي فزعتـي كـل سـاعـه
=ماخاب منهـو حـط ربعـه رصيـده
رجل ( ن ) بليا ربع يصبـح طماعـه
=تـرده الـعـدوان عــن مايـريـده
غصب ( ن ) على خشمه يعود تباعـه
=لو كان سيف ومـن سيـوف حديـده
مـن لا استفـاد بخبرتـه واطلاعـه
=عـزي لكـم ياهـل النفـوس البليـده
ان كان مايحسـب حسـاب اندفاعـه
=يمكـن مخاليـب المنـايـا تصـيـده
وترى العنـاد ان كـان زاد اتساعـه
=يقطع حبال الوصل لـو هـي جويـده
يوم الحرايـب والمـرض والمجاعـه
=تلقـى المحبـه بيـن كـل البـديـده
واليـوم شفـت التفرقـه والقطـاعـه
=حتى العضيـد اقفـى وبـار بعضيـده
ماعـاد يحتاجـه ولـو زعـل باعـه
=وسط المجالـس يحسـب انـه وليـده
لابـد مـن يـوم تقـانـب سبـاعـه
=ويصبر على قهـر الرجـال العنيـده
اودع الــي يحفـظـون الـوداعـه
=هـذي تجـارب والتجـارب مفـيـده
واقـول ماعنـد الجماعـه شجـاعـه
=ولا يرفع الرجـال كيـد ( ن ) يكيـده
ان كـان فـي ربعـه يـدور براعـه
=ويـوري العـدوان فالربـع جـيـده
هـذا كحيـل اللـي يحـز بـذراعـه
=وان مـات مايحسـب عليهـم فقيـده
اقضوا على المشكـل وحلـو نزاعـه
=ترى اغلب الاسبـاب حاجـه زهيـده
علم ( ن ) يفرق مايجـوز استماعـه
=يمكـن يولـد لـه مشاكـل جـديـده
تروجـه نـاس سـوات البضـاعـه
=تتعب علـى جمـع الكـلام وتجيـده
وتذيـع ماتلقـى ســوات الاذاعــه
=ولو تستطيـع تنزلـه فـي الجريـده
اقولهـا واثــق وعـنـدي قنـاعـه
=الحكـي ينقـص صاحبـه مايـزيـده
مخطي علـى نفسـه ولالـه شفاعـه
=كانـه يخـاف الله وعـنـده عقـيـده
من يسمع الضايع خطير ( ن ) ضياعه
=صحيح من قـال المـرو مـن قعيـده
وبعض الشعر ممدود من غيـر قاعـه
=مايجمـل اللـي يفتخـر فـي نشيـده
وبعض الشعر حكمه وصدق ووقاعـه
=بيتيـن فالمجلـس تعـادل قصـيـده
وعندي على نظم البيـوت استطاعـه
=بسمو البقـوم اهـل الفعـول المجيـده