راكب لي كل ماناشتـه رجلـي يفـوع
=فوعة اللي لمس جسم غريـب بغفلتـه
وارد الألمان ماله عن المصنع اسبـوع
=تو ماجابه وكيل الشبـح مـن شركتـه
فالوكاله سجل السبت وانبـاع الربـوع
=منوة اللي مالقـا فالمعـارض رغبتـه
فل كامل ماورد له مع الأنـواع نـوع
=صاغه اللي له ثمانيـن عـام بخبرتـه
طبعة الجوده على داخله مثل الشمـوع
=شركة الجفال تعطي ضمـان بجودتـه
لا نقر سلفه وصـدره تسنـد للطلـوع
=مع شكامين المكينـه تسابـق عبرتـه
ينطوي مع سرعته مثل مكسور الضلوع
=لا نهض حيله وخطـه جبـره بلفتـه
ان رفعت الرجل هدا وقـرب للركـوع
=وان غفلت ونشت ابنصه تزايـد فزتـه
وان هزع عن سكته كنه البنت الدلـوع
=راكبه لو شان خطـه ماحـس بمشتـه
من دفع ماله بغيره تخسـر ومخـدوع
=الموديلات الجديـده ماتسـوى وقفتـه