إن كنت يالمضنون زعلان=
بمشي عليك و غصب برضيك
حتى و لو صديت يا فلان=
ما هان قدرك عند مغليك
لأن الغلا في قلب لإنسان=
ما يندثر وش عاد هاويك
يرخص لعينك نور لعيان=
غالي و لا لك من يضاهيك
لك ف الحشا عليت بنيان=
قصر ٍ و حوله من يلبيك
نبض الوفا في كل شريان=
بإسمك نبض يا روح غاليك
و إنته القمر لي ف الدجى بان=
نوره غشى عتم المحاليك
يا فوعة ٍ من ورد لجنان=
ما بالحسن حد ٍ يماريك
خلي و لك في القلب ريضان=
ما مثلها خلقة أراضيك
إن كنت يالمضنون زعلان=
بمشي عليك و غصب برضيك