دام انا في كل حزه لأسم ابويه انتمي=افتخر يوم افتح الصفحه ولافيها جدال
يوم اخط الحرف كفي للمثايل يحتمي=ما اختلط في قافنا وزن الخفيف مع الثقال
واسمينه بالاهله وسم خد المجهمي=الهلال بشاهده لالاح في بنت الجمال
ياهجوسي لاعبيني بالمثايل وارسمي=خطة المعنى على مبدأ شواحيف العيال
جيبي اوراقي ونادي بالمعزه لقلمي=واكتبي واقع حروفك وانطقي بأجزل مثال
اكتبي حرفي قبل لايلفظ اطراف انسمي=سابقِ شفاتي على حرفٍ كما المّي الزلال
يالقصيده طحتي بكفي وانا كلي دمي=غرغرت بك في شموخ الراس حلوات الليال
يالقوافي والله انه لن تلفظ بك فمي=والله اني لحكمك وألبس على الغتره عقال
يالقصيده كيف ماخفتي ليا ثوّر دمي=وانتي اعرف كل هالعالم بحرفي لا استمال
كيف وانتي ماخبرتي لي بهالعالم سمي=لاوفيت اوفي ولامنّي زعلت اقسى الرجال
في عيوني بالعزاز وبالردى تحت قـــ(ـ......)=ما انتخي لك لو غشى وجهك من الصلف الرمال
كيف لا وانتي تشوفي دم وجهك بسهمي=من ضحايا الامس يوم الشمس مالت للزوال
رميتي صابت هدفها في ميادين الرمّي=وتنكريني يالقصيده يوم عدلت الميال
وان نكرتِ الفضل والله مانقصتي مسهمي=شامخٍ بالعز راسي مثل ماترسي الجبال
دام عز الراس بالموقف فزايع معصمي=ماعليه لو تثور من الجنوب اليا الشمال
ساقيه ماعكرت في البحر نقطه وافهمي=اسمعي من صلب راسي واستضلي بالضلال
لاتموتي جوع عقب انك طغيتي بكرمي=والظما لايذبحك وسط الفيافي والتلال
والقناد ان كان مايقطع مع الوقت ضرمي=حالفٍ ما اقدم الفنجال لفواه الدلال
دام في اليمنى السواري والفشق في محزمي=عين ابكرمها وعينٍ حقها راس الخلال
ودام كفي للمثايل والمعاني يتحتمي=مابقى الا جابتي تختم لك اطراف السؤال