ألقاها مساء يوم الخميس 8 رمضان|1428هـ.
في حفل قبيلة العضيان الذي أقيم في
القاعه الذهبيه بمدينة الدوادمي برعاية
الشيخ بدر بن نايف الضيط

دعانا شيخنـا شيـخ القبيلـه=ورانا في لزومـه مانجـي لـه

يجي له كل طيـب ويتشـرف=هو اللى فالحقيقه ينعنـى لـه

كمنـه شيخنـا منـا وفيـنـا=عريب الجد من ساس الفصيله

اليا منه دعـى ربعـه وجولـه=ينال العـز باليمنـى الطويلـه

ولاصكو عليـه اولاد عاضـى=حمول الخيل من روس الدويله

رجال العرف ورجـال المـروه=لهم وقفات واسلومـن جليلـه

واذا جات المواقـف بالتحـدى=وكلن قـام يقـدح مـن فتيلـه

على رايك يابو بنـدر حضرنـا=تشرفنـا مواقـفـك النبيـلـه

حضرنا ونت زيـزوم الزعامـه=زعامه جـد ماهـي مستحيلـه

زعامه من بنوهـا واحتموهـا=اهل عمهوج مروين الصقيلـه

هل الجوخ الحمر في وقت دوره=اليا لبسو وعنـو كـل أصيلـه

نهارن فيـه للطيـب شهـاده=وفيه اللاش من ضمن الحليلـه

عوايدهـم يفـكـون المتـلـى=اليا جاء الهوش في تال الدبيله

واهل قاله واهل بيتـن مشيـد=يزبن من نصاه ومن يجي لـه

خذو في قمه المجـد الصـداره=رفيعين النفوس اعـن الرذيلـه

وانا لو قلت مجروح الشهـاده=انا فردن مـن افـراد القبيلـه

شهد برغش بقولـه واعترافـه=نهار السيف يطرقهـم عويلـه

اعواء عمهوج في روس الطنايا=اعواء ذيبن على راس الطويله

وشهد هذال أخو هملا ونامـي=وزكاهم جمـل ناقـض جديلـه

بعد جابوه مـن بيـن السرايـا=وحذف الروس ماله من يشيله

وبعض أفعالهم تصعـب عليـه=شرحت الوضع بابياتـن قليلـه

زمانـن فاتنـا خيـره وشـره=وربـي عاضنـا خيـراً بديلـه

تحت ظل الشريعـه والسيـاده=وحكمن جعـل ربـي مايزيلـه

طلع صقر الجزيره واستلمهـا=وعاشقتيه يالعـذراء الجميلـه

وازال الشرك عنهـا والجهالـه=وبان النـور والحـق ودليلـه

وعاهدنـاه عهـدن مانبـوقـه=وغال الروح يرخص في سبيله

وصلى الله على خيـر البريـه=عـدد ماهـل همـال المخيلـه