الليله

الليله ..
الليله .. الذكرى .. تغني ( قوس ) ينزف ( بدو ) ..
الليله ..
الليله .. ( الجهراء ) .. مسافات .. ورحيل .. وشدو ..
الليله ..
الذكرى .. تغني على القوس ..
جر الربابه ..
جر .. ياكف الاطياف ..
كل الظلام ..
اشعل جروحي فتيله ..
يرقص طرب ..
وارقص .. عذاب .. ومواويل ..
يضحك ..
وانا الآهات .. في جوفي صلاف
..
..
جر الربابه ..
جر بأحساسي هجوس ..
للبدو ..
للصحرا..
ل ( وضح ) الفناجيل ..
اعزف ( مقاطين ) الشمال .. بصبابه ..
.................. قوس الربابه ..
قول :..
غن .. وتهيجن ..
" كان خلك منزله بأرض الثنادي .... وآعشيري حالن الشطين دونه " 1
...
...
...
...
والليله ..
اصلا ولاتحسب ..
يطيب ..
او مايطيب الكرى ..
مادام انا عشت هالليله .. حدو
وبأعلى ضلوع الفكر ..
( ارقب ) .. ( مظاهير ) بدو مشملين ..
ضليت اغني .. برعشة الشوف .. وآصيح ..
" شفي لبدو منتوين شمالي .... لازاع مظهور تقفاه مظهور "2
..
..
يتلون براق ..
حدى في سحابه ..
ولانوخ ل (ملح ) السحايب ..
يحلون ..
في روض اخضر ..
فز ..
( ربله )..
و( نوير ) ..
في ( خايع ) ..
غنى على جاله الطير ..
..
..
وريح الخزامى ..
والنفل ..
بخر الكون ..
والليل ..
يبني ( للشعر ) بيت ..
والشعر ..
...
...
...
...
يالليله ..
القلب متروس ..
( دحي ) .. معاهم .. و ( هوسي )..
يالليله ..
الجرح .. مغروس ..
شدي بقوس الربابه ..
..
..
تنفسي من هواهم ..
( رمث ) ..
وهيل ..
وعطر شيح
تكحلي في حلاهم ..
( سدو )..
و ( غنادير )..
و ( بكار ).. صفر مواضيح ..
...
...
...
...
الليله ..
احلى الليالي ..
( هرج ) ..
وقصيد ..
و ( فلة حجاج ) ..
ودلال ..
ونجر ..
يجاوب لاعوى الذيب صوته :..
" ياذيب .. ليش تعوي ؟؟ / حالك مثل حالي ..؟! " 3
ياذيب ..
( عس ) الجرح ..
و ( اقنب ).. على ( الروس )..
ياذيب ..
طيف العشق .. فيني ( ملاويح ) ..
لامن ( كفخ )..صوت الشمال .. بصوابه ..
...
...
...
...
ياذيب ..
انا ..
وانت ..
والليله ..
نبي نغني سوى ..
شمااااااااااال ../ شمااااااااااال ..
شمال يالجهرا ..
على القوس ..
والليله ..
الليله .. الذكرى .. عزاها .. قوس .. ( ينعى ) .. بدو .
 
 
 
 
 
 
/2للشاعر المرحوم _ شاهر بن تيمان الظفيري