ياسيف بان الفجر والنوم ماجاني = كلـّه سبب من صدفني تضحك عيونه
ميـّل عليـّه خفيف الدم وأشقاني = ولز ّم علي الهوى لا أصير مجنونه
سمـّاني المبتلي وسمـّيته الجاني = والحب بلوى ً جميع الناس يدرونه
قلت آه ياصاحبي ياخدر الاعياني = عشرتك ياخوف لاهي دوم مضمونه
حرام يازين تنكبني وتنساني = ومثلك لعوب ٍ جميع الناس يشرونه
وأغضى بعينه لطيف الروح وأعطاني = كلام بدري عليكم ماتعرفونه
وقال انتبه من حياتك صاف الاوجاني = مثلي ومثلك كثير اللي يحسدونه
ثم انحرف عقب سلا ّني وخلا ّني = ابكي على صاحبي والحد من دونه
ابو ثمان ٍ تشادي صف مرجاني = كن العسل من مفالجهن يصبونه
والصدر في مطلعه تفاح لبناني = مع ريح مسك ٍ على العنبر يحطونه
وإخطاه حذره ويازنها توزاني = تقول ريم ٍ لحظهم قدم يرمونه
ماحط مكياج خلي صاف الالواني = يشبه لبرق ٍ يكف الليل في لونه
ولاتابع الموضه اللي جيلها فاني = ولاشل ثوبه ولاقلـّد لمادونه
ويامن يبلغ وليفي بالذي جاني = ويقول مجنونكم لازم تداوونه
يخبر حبيبي بحبه وين وداني = يمكن يحن الحبيب حين تدعونه
وياسيف حب الغضي ياخوك يبراني = بري القلم فالمدارس يوم يبرونه
من لامني فيه جعله تحت الالماني = اربع سنين ٍ على الكرسي يخدمونه